Wingi sore inyong jalan jalan montoran karo anake ming Dusun Buaran Maoslor tepate nang wilayah RW 02. Wong jere slenthang slenthing jalan Durian sing sapet kuna mengkuna dalane wis pada kroak pating njlegudag lagi diaspal maning. Ya syukur melu bungah inyonge lah lur.

Mbarang wis nang kono tek sawang sawang pancen maen loh. Dalane wis rata lapisane keton kandel aspale keton ireng kileng kileng pokoke disawang keton nyenengi lah. Bocah cilikan pada pit pitan kaya ora nduwe kesel ngetan ngulon ngetan ngulon. Wong tuwa tuwa lingkungan kono ya tek deleng keton pada bungah atine melu senenglah. Buktine pada gotong royong swadaya medangi sing pada kerja malah jere ana sing aweh sarapan karo madang awan koh.

Lagi dewekan karo anake nyawang nyawang , terus Kang Purnomo selaku sekretaris RT 01/02 metu kang ngumah terus ngobrol ngobrol. Jere Kang Purnomo "Aspale Maen". Volume panjang 415 meter lebar 3 meter ketebalan relatif. Bahan sing go nglevel split watu kali ukuran 1/2 lan 2/3. Lapisan nduwur digorengna 0.5 terus disawur abu batu digoreng uga. Masalah lawuh medang jebule pancen wis musyawarah warga RTsing nyanding dalan ya ngetokna wedang karo pacitan sekasdune sebagai bentuk swadaya masyarakat.Anggaran pengaspalan kie anu sekang Bansus Kabupaten Cilacap.

Harapane pak Mukti Iriyadi selaku Kepala desa Maoslor moga moga dalane manfangati kanggo warga desa Maoslor khususe warga Buaran. Pak Kades uga menghimbau njaluk tulung maring warga kabeh supaya bisa njaga karo ngrawat diantarane sing pertama bahu jalan aja lewih duwur supaya nek udan banyu bisa mlayu. Kepindone wit witan sing ngeyomi gili kon dipumprangi men tenggar dadi panase srengenge bisa manasi gili.

Uwis disit ya lur anake wis nggegrek njaluk balik tur ya dela maning adzan maghrib wis lagi qiroah mesjid kidul. Wassalam

Kadus Trie ,Sept 2022